Purtret


Metagrid è in project da l’Academia svizra da scienzas umanas e socialas (ASSU) per la colliaziun online da ressursas da scienzas umanas. Realisà vegn il project dals Documents diplomatics svizzers (Dodis) en collaboraziun cun il Lexicon istoric svizzer (LIS). Il survetsch da web Metagrid pussibilitescha l’indriz, l’administraziun e l’analisa da links tranter entitads identicas (p.ex. persunas, organisaziuns ni lieus geografics) da diversas websites e bancas da datas.


Tge fa Metagrid?
Metagrid-Traditional-Links-700

«Colliaziuns classicas da links » dad A → B funcziunan be unilateral, q.v.d. sulettamain ils utilisaders da la pagina A profitan da la colliaziun. Metagrid creescha colliaziuns da links multilateralas tranter A e B, uschè che ils utilisaders pon midar vi e nà tranter las paginas A e B cun l’agid dad in widget.

 


Co funcziuna Metagrid?

Metagrid-Beispiel-700Il servetsch da web Metagrid rimna en in deposit central l’URL specific e l’ID da l’entitad (persuna, organisaziun euv.). Corrispundan las IDs dad entitads, vegnan quellas messas a pèr. Metagrid dovra l’ID da l’entitad sco element zentral (p.ex. da http://dodis.ch/P181 è l’ID «P181»). Quest proceder impedescha che colliaziuns cun links van a perder sch’i dà be ina pitschna midada vi da l’URL. Ils URLs vegnan inditgads sin ina glista. Midadas dals URLs ston be vegnir registrads là, uschia ch’i na dovra betg in’autra adattaziun. Ultra da quai tegna mintga partenari da project la controlla sur lur datas, cunquai che la colliaziun en Metagrid na succeda betg a moda ierarchica, mabain a moda federativa.

 


Co fan ins diever da Metagrid?

root-700
Metagrid vegn integrà cun in widget en la website ni en la banca da datas. Quai basegna be duas lingias code da HTML. Il prototip da Metagrid è gia en funcziun. Ulteriurs tools per Metagrid èn planisads, sco per exempel ina interfatscha admin basà sin il web ni in browser-plugin per la tgira da datas.

 


Il team da Metagrid

Prof. Dr. Sacha Zala
Menader dal project

Dr. Christiane Sibille
Gestiun

Maurizio Rossi
Responsabel per informatica e svilup

Tobias Steiner
Svilup e management d’applicaziuns