Tschertga publica da Metagrid è accessibla en versiun beta

einstein2

Utilisadras ed utilisaders interessads san far diever da la nova tschertga da Metagrid en versiun beta a partir d’immediat.
La tschertga pussibilitescha da tschertgar las concordanzas registradas en Metagrid per arrivar uschia als inventaris dals partenaris da project.

Actualmain esi da far quint cun difficultads en la preschentaziun da las datas. Tuttina Az giavischain bler plaschair cun examinar la tschertga ed ans legrain da Voss resun ad info@metagrid.ch

Qua arrivais a la versiun beta da la tschertga:

www.metagrid.ch/metagrid_search/#/search.html


Metagrid@biblioteca naziunala

nb3 Kopie

Dapi il zercladur è ina part dal inventari da datas da Helveticat – il catalog da la Biblioteca naziunala svizra – e da la Bibliografia da la istorgia svizra integrada, colliada ed accesibla via il widget Metagrid.

La colliaziun tranter Metagrid ed ils dus catalogs è resultat dad ina lunga cooperaziun tranter Metagrid e la Biblioteca naziunala svizra. L’impurtanza da questa collaboraziun ha Marie-Christine Doffey, directura da la Biblioteca naziunala svizra, accentuà en il rapport annual da la BN sut il tetel «Bibliotecas furman l’avegnir».

Las datas accessiblas actualmain èn chavazzins en relaziun cun persunas ch’èn gia vegnidas colliadas cun in GND-identifier. En l’avegnir duai questa rimnada da datas vegnir augmentada sco era cumpletada cun datas da persunas ed auturs.


Cumenzament gartegià da Metagrid.ch

metagrid-ausschnitt

Ils 19 da zercladur ha l’occurenza da kickoff ufficiala dal project Metagrid gì lieu en la Biblioteca naziunala svizra. Bundant 50 participantas e participants associads a projects dad ediziun e da bancas da datas, a bibliotecas, ad archivs ed a projects a lunga durada da l’Academia svizra da scienzas umanas e socialas (ASSU) èn s’infurmads a chaschun da quest’occurenza davart il svilup e la funcziunalitad dal webservice Metagrid.

Suenter in bainvegni da la directura da la Biblioteca naziunala svizra, Marie-Christine Doffey, che ha punctuà en ses pled il grond niz pratic dal project e la voluntad per ina collaboraziun stretga tranter la Biblioteca naziunala svizra e Metagrid, han Sacha Zala, Maurizio Rossi, Tobias Steiner e Christiane Sibille sclerì ils principis concepziunals, la transfurmaziun tecnica e l’applicaziun pratica dal webservice.

Durant dus workshops han las participantas ed ils participants lura pudì tschentar dumondas concretas en connex cun premissas tecnicas e pussaivladads da diever sco era examinar sez il sistem da redacziun.

Projects interessads pon sa registrar sin questa pagina sco partenaris da project.